Memleket tarihy institýty

Казақстан Республикасы, Нұр-Сұлтан қ, Бейбітшілік көшесі 4

 

Тәуелсіздік

Тәуелсіздік 16.12.2022

Тәуелсіздік

Елдік үшін бәрін көрген азаптың
Бабалардың аңсары еді Азат Күн.
Тәуелсіздік – бойтұмары Елімнің,
Одан асқан қастері жоқ қазақтың!

Тәуелсіздік – Алашымның арманы!
Тәуелсіздік – Алтын Күнім таңдағы!
Тәуелсіздік – бесік-жүрек халқымның
Жүрегінде тербетілген ардағы!

Тәуелсіздік тәтті екен ғой шекерден,
Осы жолда талай борыш өтелген.
Ерлеріне қуат берсін Алаштың,
Көк байрақты көкке биік көтерген.

Тәуелсіздік, биігін-ай бағаңның!
Аманаттың ақ жолында адалмын.
Бір сен үшін жасын сықты анам мың,
Бір сен үшін басын тікті бабам мың!

Бір сен үшін отқа түсіп жан шыбын,
Бақытынан безді бабам бал-шырын.
Ұйықтамады,
Көз шырымын алды олар
Маңдайына сабын тіреп қамшының.

Тәуелсіздік, не жетеді құныңа?!
Бар ғұмырда айналайын құлыңа.
Парыз маған тізгініңді ұстату
Бесіктегі бақырауық ұлыма.

Азат елдің ауасымен дем алам,
Сонда-дағы болашаққа мен алаң.
Тәуелсіздік, сен аман бол, сен аман,
Сен аманда – Айбынды Алаш Елі аман!

Серік СЕЙІТМАН,

Мемлекет тарихы институтының бөлім басшысы


Возврат к списку



«Мемлекет тарихы институты» ММ-нің директоры
Әбiл Еркiн Аманжолұлы


© Copyright 2013. Мемлекет тарихы институты
Яндекс.Метрика